Spiugruppe:
D Amäudige für ds Spiugruppe-Jahr ir Abentüür-Spiugruppe Uetendorf Allmänd 2011 / 2012 loufen uf Hochtoure. Wenn dir Öies Chind
(ab 3 bis 5 jährig) fürne chly angeri Spiugruppe am Zyschtig- oder Donnschtigvormittag vo 08.30 bis 11.00 Uhr weit amäude de fröien mir üs uf Öii Kontaktufnahm via mail oder Telefon.

(barbara[ät]maerlitantebarbara.ch / 079 395 61 64 )

Ziel :
Es wärde d Kontakte unger glychautrige, ds Schaffe a Pöschte, Rollespiu, Bastle d Ablösig vom Elterehuus, ds Erfasse vo Naturmaterialie, Vorbereitig ufe Chindergarte und viu meh gförderet.
- Dass das echly angers geit aus süsch ire Spiugruppe het dermit ztüe dass es sech umne Abentüür-Spiugruppe, wo so viu Zyt wie müglech dusse verbringt, handlet und . . . aus "Special-guest" jewius
d Märlitante Barbara vor Ort isch. - D Leitig süsch het die usbiudeti Spiugruppeleiterin Monika Kipfer. E Frou wo nid numen im Bewegigsbereich mit de Chinder e Huffe vor het sondern ou dür ihre Buurehof gärn emau fürne tierischi Überraschig guet isch!
Ds Fantästele wird uf au Fäu nid z churz cho . . äbe so wenig wie ds Abentür! Mir bewegen is ufemene erprobte Chinderareal, hei e Spiugruppewohnwage mit super Holzabou und si, wie bereits erwähnt,
e grosse Teil vor Zyt dussen im Freie . . was immer ds Wätter üs ou wott biete. Lupegläser, Büchsli u Chübeli wei nämlech gfüllt und ungersuecht wärde!

Da d Amäudige bereits flissig ine flattere . . . villech nid z lang warte wenn e Spiugruppeplatz wott ergatteret wärde.
Monika Kipfer
Spielgruppenleiterin, Muki- und KiTuleiterin, 3-fache Mutter . . . .

Maerlitante Barbara Burren
Kinderturnleiterin, Spielgruppenleiterin, gelernte Drogistin, Sprecherin, Autorin, Moderatorin, Praktische Psychologie (in Ausbildung)